Mostrámosvos como preparar esta torta tan clásica como rica.
Ingredientes
Para o biscoito:
3 ovos
1 yogurt natural
1 sobre fermento
Manteiga
160g de azucre
170g de fariña de repostería
125ml de aceite
Para o recheo e a decoración:
500g de amorodos
250g de nata para montar
Elaboración
Mentres prequentamos o forno a 180ºC imos preparando a masa do biscoito. Mesturamos todos os ingredientes nun bol grande, empezando polos ovos, o iogur natural e o aceite de oliva. A continuación, engadimos o azucre e, por último, a fariña e o fermento. A manteiga só a utilizaremos para o molde, para evitar que o biscoito se pegue. Mesturamos e removemos ben a crema para evitar que queden grumos.
Unha vez que engraxásemos o molde con manteiga, vertemos a masa do biscoito. Enfornámolo 30 minutos a 180ºC., con calor arriba e abaixo.
Xa temos o biscoito listo. Deixaremos que se arrefríe un pouco antes de desmoldarlo. Despois cortarémolo pola metade.
Nun bol montamos a nata co azucre.
Cortamos o biscoito en dúas metades e colocamos a parte de abaixo do biscoito sobre a bandexa na que serviremos o pastel. A continuación, estendemos unha boa capa desa nata xa montada e colocamos encima os amorodos, que previamente lavariamos e cortariamos. Tapamos coa outra metade do biscoito.
Preparamos a decoración. Cunha manga pasteleira decoramos o bordo e o centro coa nata montada. A continuación colocamos os amorodos… E xa temos esa torta de aniversarios listas para celebrar.
