Separamos as xemas das claras. Batemos as claras a piques de neve e reservamos na neveira.
Cunha batedora batemos as xemas xunto co azucre e a ralladura de laranxa ata obter unha mestura cremosa. Engadimos a margarina e o zume de laranxa, e removemos constantemente. A continuación, engadimos a mestura da fariña e o fermento en po. Por último, incorporamos con coidado as claras de ovo cunha espátula.
Forramos unha bandexa de forno (36 x 30 cm) con manteiga e papel de forno e estendemos a masa por encima coa axuda dunha espátula.
Enfornamos a 180°C durante uns 15 minutos ata que se doure.
Cando o biscoito estea feito sacámolo do forno e espolvoreamos azucre en po ou azucre glasé.
Colocamos un pano sobre o pastel e dámoslle a volta. Retiramos a bandexa e despegamos con coidado o papel.
Cortamos os bordos do pastel cun coitelo. Coa axuda do pano, facemos rodar coidadosamente o pastel dun lado a outro.
Cando xa teña forma de tronco, colocámolo nunha bandexa e servimos en anacos.
