Esta é a receita da clásica potaxe de Vixilia, que neste caso elaboramos con bacallau.
Ingredientes
250 g de garavanzos crus
300 g de espinacas frescas
500 g de bacallau desalado
Pemento vermello
400 ml de caldo de verduras ou peixe
2 tomates medianos
1 allo porro
1 cebola
2 cenorias
2 dentes de allo
4 ovos
Pemento
sal
Pementa negra
Aceite de oliva
Elaboración
O día anterior poñeremos en remollo os garavanzos para que se hidraten e no día de preparar a receita cocémolos. Nunha pota engadimos auga, sal e un bo chorro de aceite de oliva. Deixámolos cocer durante 20 minutos. Noutra pota, coceremos os catro ovos.
Cortamos o bacallau en anacos pequenos, a espinacas e picamos ben a cebola, as cenorias, medio pemento vermello, o allo porro e os 2 dentes de allo.
Nun pota, poñeremos no fondo un bo chorro de aceite de oliva e sofritimos todo o anterior. Cando estea todo dourado, engadimos os dous tomates cortados e o caldo que pode ser de verduras ou de peixe. Engadimos o pemento e deixamos cocer a lume medio durante 15 minutos. A continuación engadimos as espinacas, deixamos facer durante 2 ó 3 minutos e por último, o bacallau en anacos. Deixamos cocer todo durante outros 10 minutos.
Servimos con con os ovos cocidos cortados, un bo chorro de aceite de oliva e pemento.
