Unha sobremesa rica e moi fácil de preparar que gusta a maiores e pequenos e pódese consumir durante todo o ano.
Ingredientes
250 ml. de leite
250 ml. de nata
25 gr. de cacao en po
85 gr. de chocolate fondant
100 gr. de azucre
2 xemas de ovo
Sal
Elaboración
Nun bol engadimos só as xemas e mesturámolas co azucre. Removemos ben e reservamos.
Nun cazo a lume lento, poñemos o leite coa nata e o cacao en po. Removemos ben ata que se disolva. A continuación, relamos o chocolate fondant e batemos de novo outra vez. Engadimos un chisco de sal.
A esa mestura do lume engadímoslle as xemas e removemos ben pero procurando que non ferva. Retiramos do lume e deixamos arrefriar a temperatura ambiente.
Poñémolo nun recipiente plano e metálico, metémolo no conxelador durante tres horas.
Cando estea xa callado, servimos.
Collemos unha culler de xeado e facemos bólas. Decorámolas, por exemplo, con sirope de chocolate. Umm que rico
