Primeiro prepararemos o wok de verduras. Lavámolas ben e partimos en dados. A continuación, quentamos o wok cun chorriño de aceite de oliva. Cando o aceite estea ben quente, engadimos o allo e a continuación as verduras e as salteamos. Removemos de forma constante para que non se pegue nada e se cociñe todo á vez. O mellor é deixar a verdura ao dente. Unha vez que estea lista, retiramos e reservamos.
Imos preparar as patacas. Cortámolas en toros e cocémolas. Retiramos e reservamos.
Nunha prancha botamos un chorro de aceite de oliva e poñemos os filetes de bonito a dourar. A continuación poñeremos tamén as patacas. Botamos sal. Deixamos que se douren ben polas dúas caras e retiramos.
Servimos. Poñemos nun prato os filetes de bonito, as verduras e as patacas. Salpimentamos ao gusto.
