Preparamos a bechamel , para iso ver esta receita.
Poñemos en remollo durante 10 minutos para hidratar as placas de lasaña de ovo precocidas. Unha vez hidratadas, retirámolas e estendemos nun superficie seca.
Nunha tixola engadimos un chorro de aceite de oliva e a continuación poñemos a dourar a cebola cortada en anacos pequenos e as espinacas frescas (se fosen conxeladas, deberiámolas desconxelar previamente e escorrelas ben). Deixamos cociñar uns 5 minutos. Engadimos sal.
Prequentamos o forno a 200ºC.
Nunha bandexa de forno colocamos primeiro as 6 láminas de lasaña, e a continuación a salsa de tomate, estendemos, e encima a mestura das espinacas. A continuación, outras placas de lasaña, salsa de tomate e espinacas. Pechamos por encima coas últimas 6 placas e a salsa bechamel que o cubra todo. Relamos un pouco de queixo e ao forno.
Enfornamos durante 15 minutos a 180ºC. Cando o queixo estea gratinado, retiramos.
