Representantes da Asociación de Familias Numerosas de Galicia, Agafan, visitaron Froiz para presentar esta entidade que reúne á máis de 2.000 unidades familiares na nosa comunidade. Nesta reunión participaron Luis Sánchez, presidente; José Manuel Trigo, vicepresidente; e Vicente Domínguez, delegado provincial. Por parte da empresa estiveron presentes José Froiz, director xeneral; Andrés Blanco, de Xestión e Desenvolvemento; e Brígida Nieto, directora de Marketing e Comunicación.
Agafan compartiu as necesidades que teñen estes fogares numerosos e agradeceu á empresa Froiz o seu recibimento, atención e compromiso de colaboración, así como o apoio que vén prestando a esta entidade a través das súas achegas ás actividades da asociación.
Froiz vén colaborando con esta asociación desde hai varios anos mediante a doazón de cestas e produtos para sorteos entre as familias numerosas asociadas, especialmente durante a campaña de Nadal, e neste contexto, reafirmamos o noso compromiso, apoiando distintas actividades dirixidas a estas unidades familiares.
