A AED (Asociación española de directivos) convidou a participar a José Froiz Prieto, director xeral do Grupo Froiz, na súa última xornada celebrada en Galicia. O directivo ofreceu a súa visión sobre a evolución e os valores da empresa. Durante o encontro, abordáronse os fitos máis importantes da historia da compañía, as súas estratexias de expansión, a adaptación tecnolóxica, as medidas de sustentabilidade e o compromiso cos seus empregados e clientes. A sesión estivo moderada por Joaquín Pérez Bellido, presidente do Grupo Pérez Rumbao e do Consello de AED en Galicia.
Transformación, continuidade e innovación na empresa familiar
1.- Orixes e filosofía empresarial
José Froiz repasou os humildes inicios da empresa, fundada en 1968 en Pontevedra polo seu pai, quen comezou cunha pequena carnicería. Desde o principio, a filosofía do negocio estivo marcada pola mellora constante: “Facer as cousas cada día un pouco mellor”. Este enfoque permitiu a Froiz evolucionar ata converterse nun grupo con 261 puntos de venda propios, 80 tendas franquiadas e máis de 6.500 empregados. Aínda que os tempos cambiaron, Froiz destacou que a esencia do negocio segue intacta, baseada en prezos competitivos, proximidade e confianza cara ao cliente.
2.- Crecemento sostido e expansión estratéxica
O grupo logrou expandirse desde Galicia cara a outras rexións como Castela e León, Castela-A Mancha, Madrid e o norte de Portugal. Este crecemento foi resultado dunha análise estratéxica de oportunidades e da firme decisión de manter os estándares de calidade e os valores da marca. Froiz explicou como a súa rede loxística, composta por oito plataformas situadas Galicia, Castela e León, comunidade de Madrid e Portugal, permiten optimizar custos e garantir a frescura dos produtos, especialmente en categorías diferenciadoras como peixaría e carnicería.
3.- Modelo equilibrado e enfoque no cliente
O éxito de Froiz baséase nun modelo equilibrado que combina unha oferta variada, prezos competitivos e un servizo excepcional. Froiz subliñou que o enfoque próximo e personalizado foi clave para fidelizar aos clientes, quen a miúdo perciben os seus establecementos como “o súper de casa”, mesmo en grandes cidades como Madrid. Ademais, o grupo adáptase ás demandas locais, incluíndo produtos rexionais nas súas tendas segundo as preferencias de cada comunidade.
4.- Innovación tecnolóxica e sustentabilidade
A tecnoloxía e a sustentabilidade son piares fundamentais para o futuro do Grupo Froiz. A implementación de intelixencia artificial transformou aspectos como a predición de pedidos e a eficiencia na xestión enerxética e loxística. Así mesmo, Froiz destacou as medidas sostibles que adoptaron, como a instalación de paneis fotovoltaicos, a mellora nas instalacións con sistemas máis eficientes e a súa certificación como empresa de “Residuo Zero”.
5.- Xestión do talento e responsabilidade social corporativa
No ámbito laboral, Froiz sinalou a importancia de xerar unha contorna positiva para os seus empregados, investindo en formación, promoción interna e fortalecendo a relación entre responsables e os seus equipos. Este enfoque levou a que a empresa sexa recoñecida por Infojobs como un dos mellores lugares para traballar. Ademais, o compromiso social do grupo reflíctese en iniciativas como o patrocinio do seu equipo ciclista, símbolo de valores como o esforzo e a disciplina.
O evento pechou cunha reflexión de José Froiz sobre os retos e as oportunidades que enfronta o grupo. O seu obxectivo é seguir sendo competitivos, mantendo a esencia do negocio e os valores que os guiaron durante décadas. Nun contexto de incerteza, Froiz salientou que a perseveranza e a actitude son factores crave para superar desafíos e construír un futuro sólido.
