O 100% da carne fresca de pito, coello e pavo que comercializa Froiz -nas súas carnicerías de venda asistida -conta coa Certificación Welfair® de Benestar Animal. No caso do vacún, é carne con IGP 100% Tenreira Galega e selo “Benestar Animal”.
A certificación Welfair® está baseada nos protocolos europeos Welfare Quality® e AWIN® que achegan unha maior transparencia e información, así como garanten que estes produtos proveñen de animais criados en granxas sometidas a un seguimento de benestar animal. Este ten en conta catro principios básicos:
1. unha boa alimentación
2. un bo estado de saúde
3. un aloxamento adecuado
4. un comportamento idóneo segundo as características de cada especie
Nos últimos anos, o cliente demanda cada vez máis produtos elaborados baixo criterios éticos e de desenvolvemento sostible. Con este selo de Bienestar Animal Welfair® garántense que as condicións nas que viven os animais de granxa son óptimas para unha vida sen sufrimento nin estrés. A concesión deste selo realízase aos diversos produtos certificados, non ao establecemento que os comercializa.
Neste sentido, en todos os centros Froiz (supermercados, hipermercados e cash&carry) de España, o cliente ten á súa disposición unha ampla variedade en produtos de marcas líderes certificados e tamén de marca Froiz. Destacan os leites da nosa marca que incorporan o selo de Benestar Animal Welfair® e os ovos de marca Froiz que son libres de gaiolas ,orixe nacional e cumpren os requisitos de Benestar Animal. Non vendemos ovos frescos de categoría 3 (engaioladas).
Ademais, os preembalados cárnicos de porco marca Froiz que elabora Coren (a maior cooperativa cárnica de España en avicultura, porcino e vacún) incorporan no packaging dous selos de Benestar Animal. Son o Welfair® e o IAWS (“INTERPORC ANIMAL WELFARE SPAIN”) (Interprofesional do Porcino de capa branca).
E na sección de charcutería, tamén estamos traballando para ter máis produtos con certificación Welfair® tanto en libre servizo como ao corte. É o caso das pezas de xamóns cocidos marca Froiz de venda asistida-que elabora Grupo Tello Alimentación- contan co selo de Interporc Animal Wellfare Spain (IAWS), e os loncheados e centro de xamón serrano Froiz que envasa o Grupo Coren, tamén.
