Hoxe, no Día do Medio Ambiente, poñemos en valor as medidas de sustentabilidade implementadas en todas as áreas do negocio da empresa: loxística, comercial, aprovisionamento, reposición e venda. O obxectivo é realizar un desenvolvemento máis sostible do negocio e reducir a pegada de carbono e o impacto ambiental da nosa actividade.
- No ano 2023 reciclamos máis de 6.000 toneladas de residuos a través do noso sistema de xestión interno en España e Portugal.
- As plataformas centrais de FROIZ en Lourido, Poio (Pontevedra) son sostibles. Renovaron o selo ambiental “De Residuos a Recursos: Zero a vertedoiro” o que significa que case o 98% dos residuos xerados son reciclados e/o valorizados.
- Ademais, 2 de cada 3 pallets en Froiz reutilízanse, o que permite un maior aforro en madeira (talla de árbores).
- Economía circular. Introducimos 18 millóns de caixas de cartón procedente dos residuos xerados e 1,1 millóns de m2 de filme reciclado.
- Participamos nun proxecto de reforestación onde se plantaron nun monte queimado un total de 2.000 árbores (1.400 castiñeiros e 600 carballos) que supoñen 389 toneladas de CO2 absorbidas nun período de 30 anos.
- Fomentamos a pesca sostible e o benestar animal.
- Preto do 40% da enerxía eléctrica que consumimos procede de fontes renovables.
- Investimos na eficiencia enerxética das nosas tendas e plataformas.
- Medimos a pegada de carbono e fixamos obxectivos de redución.
- Traballamos para incorporar maior porcentaxe de material reciclado nos envases dos produtos de marca Froiz.
- Os nosos folletos, tickets de compra, caixas de cartón e bolsas de papel están certificados cos selos FSC e PEFC.
- Renovamos a frota de camións e turismos por modelos máis eficientes energéticamente.
- En distintos establecementos Froiz dispoñemos de puntos de recarga de vehículos eléctricos para o uso dos nosos clientes e utilizamos vehículos eléctricos para o envío de pedidos.
A empresa mantén unha política activa de sensibilización e concienciación de todos os traballadores sobre a importancia da reciclaxe de residuos e a reutilización de materiais. O obxectivo é a Tripla “R”: reducir, reutilizar e reciclar. E “repensar” ou analizar que procesos internos podemos mellorar.
