A empresa Froiz acaba de inaugurar unha nova tenda franquiada MercaExpress na estación de servizo de Cepsa na localidade de Gustei, Ourense. Conta con referencias básicas en produtos de alimentación, droguería e hixiene tanto de marcas líderes como de marca Froiz, ademais de prensa, bebidas frías e produtos refrixerados. Ofrece un amplo horario comercial de luns a domingo.
Esta é a última incorporación á rede comercial franquiada da empresa Froiz, formada por 79 tendas e que operan no mercado coas marcas: MercaMas, MercaExpress e Atlántico. Contan cunha variedade básica de alimentación e unha sala de vendas inferior aos 300 metros cadrados. Na actualidade, 17 delas son franquías coa insignia MercaExpress, tendas de conveniencia situadas principalmente en estacións de servizo e núcleos semiurbanos.
