A tenda en liña de Supermercados Froiz en Portugal sitúase no top dos supermercados máis baratos de Portugal. Segundo o último estudo da unión de consumidores Deco Proteste, Froiz ocupa o 2º lugar na clasificación nacional dos supermercados máis baratos en 2024. O estudo, que se realizou entre o 1 de setembro e o 31 de decembro do ano pasado, destaca á nosa empresa pola súa competitividade en prezos, compartindo clasificación con grandes retailers nacionais de Portugal.
O estudo comparou os prezos dunha cesta da compra formada por máis de 200 produtos de alimentación, adega e droguería e analizou as súas pvp´s en 9 empresas diferentes do sector. Nesa comparativa, a tenda en liña de supermercados Froiz resultou a 2ª máis competitiva en prezos mantendo a calidade dos seus produtos: frescos, marcas líderes e marca Froiz, e por suposto, un bo servizo e atención.
Froiz conta con ecommerce propio en Portugal desde o ano 2012 e ofrece aos clientes unha experiencia de compra completa:
- Ampla variedade en produtos frescos: froitas, verduras, carnes, peixes, charcutería e panadería.
- Variedade de marcas: produtos de marca Froiz e as principais marcas líderes do mercado.
- Entrega o mesmo día: comodidade e rapidez na entrega das compras, para que o cliente reciba os produtos o mesmo día.
- Posibilidade de recoller o pedido en tenda: para aqueles que o prefiran, é posible optar por recoller o pedido directamente en tenda, de forma rápida e cómoda.
- Proximidade ao cliente: Centrarse nunha experiencia de compra personalizada, cun servizo que satisfaga as necesidades e preferencias do consumidor.
A tarifa de prezos en Froiz é a mesma no ecommerce que nas tendas físicas. Esta coherencia entre canles de venda é un dos piares da estratexia, ofrecendo aos seus clientes a mellor experiencia de compra, xa sexa nunha contorna dixital como na canle offline.
