A empresa Froiz promove dentro da súa RSC o emprego e a inserción laboral de distintos colectivos. Un exemplo é o programa da Federación Down Galicia “Emprego con apoio”, unha iniciativa na que participamos para promover a igualdade de oportunidades no mercado laboral de persoas con algunha discapacidade. Helga García, usuaria do centro Down Pontevedra, e colaboradora en distintas campañas de Froiz Nadal, contou á prensa como é agora o súa día a día como traballadora Froiz nun supermercado da cidade de Pontevedra, onde realiza labores de reposición e separación de pedidos de compra en liña.
“Estou moi contenta e os meus compañeiros trátanme como unha máis. Os clientes xa me coñecen e son moi agradables”, indica Helga. “Unha vez que colles o ritmo, despois todo vai ben. Todo é afacerse. Os primeiros días ensináronme e agora xa cada vez teño menos dúbidas”. Unha integración no mercado laboral que clientes e compañeiros de profesión valoran positivamente.
Más info aquí.
