A empresa Froiz participa, desde a súa creación, no Plan nacional de AECOC contra o Desperdicio alimentario #AlimentaciónSinDesperdicio. Este programa busca reducir o desperdicio de alimentos en toda a cadea alimentaria, desde o fabricante e/o produtor, pasando polas cadeas de distribución e terminando co consumidor no seu fogar. Consciente diso, desde Froiz implementamos varias medidas -tanto en tendas como en almacéns- que teñen como obxectivo mellorar a xestión diaria e a adecuada conservación e manipulación dos alimentos.
- Aposta polo local. O surtido en produtos frescos locais, de proximidade e producidos a nivel rexional, sempre foi un dos compromisos da empresa Froiz. Os provedores locais representan unha alta porcentaxe nas compras do grupo. Para a gran maioría dos produtos frescos de tempada, seleccionamos provedores das zonas xeográficas onde estamos presentes, que garantan as boas prácticas produtivas e extractivas, respectuosas co medio rural, que reduzan o efecto invernadoiro e optimicen o uso da enerxía e a auga. Estes produtos frescos de quilómetro cero están ao dispor do cliente en 24-48 horas.
- Xestión de stock. Optimizouse a xestión de pedidos a nivel informático para adecualos á demanda, e así evitar excedentes innecesarios en tenda. Ademais, articuláronse medidas internas en todos os establecementos Froiz para evitar as caducidades. Unha delas é a que afecta a aqueles produtos que contan con data próxima, e que son aptos para o consumo. Son promocionados cunha etiqueta onde se especifica o desconto aplicado. Aqueloutros, que xa non son aptos para a venda (como exemplo, por pequenos danos no envase) -pero que si están en perfectas condicións para ser consumidos con total seguridade- son doados a entidades sociais. Neste sentido, os residuos que se xeran nas seccións de frescos son enviados a empresas especializadas para o seu correcto procesamento. Estes residuos transfórmanse ou se destrúen, co obxectivo de que non xeren riscos para a saúde humana, o medio ambiente e, especialmente, para garantir a seguridade de toda a cadea alimentaria.
- Venda de produtos por unidades, o que facilita que o cliente compre a cantidade que realmente necesita (3 toros, 2 filetes, media sandia, 1 limón,…), distintos formatos e unha política comercial con descontos directos por unidade de produto, sen necesidade de adquirir máis unidades.
- Formación. Outro factor crave para evitar o desperdicio alimentario, é a formación continua dos nosos profesionais en áreas de xestión, hixiene e seguridade, caducidades e manipulación.
- Seguridade alimentaria. Como empresa de alimentación, debemos garantir a seguridade alimentaria de todos os produtos á venda, para ofrecer as máximas garantías aos nosos clientes. Neste contexto, contamos cuns protocolos propios de calidade e seguridade alimentaria, onde se controla todos e cada un dos procesos da cadea de subministración, desde a súa orixe ata o consumidor final. Ademais das normas de seguridade e hixiene que rexen en todos os puntos de venda, obradoiros e plataformas para o correcto uso e manipulación dos alimentos #de acordo con as APPCC.
- Conservación dos alimentos. É primordial manter, en todo momento, a cadea de frío positivo e negativo para que os produtos cheguen ao cliente nun estado óptimo de frescura e conservación. Neste contexto, a empresa inviste constantemente na mellora, tanto da parte loxística, como das instalacións para que o produto non perda calidade. Un exemplo, é a colocación nos mobles de frío existentes nas tendas de portas que permiten manter de forma óptima a refrixeración ou conxelación, sen dificultar a visibilidade e permitindo unha boa accesibilidade aos produtos. Outro exemplo, son os controis estritos existentes en todas as plataformas loxísticas, permitindo un maior control da rastrexabilidade e a cadea de frío, evitando fluxos de aire que poidan orixinar variacións substanciais de temperatura nos produtos.
- Creación e publicación de receitas aproveitamento.
